கோகுலத்தில் ஒரு ஏகலைவன்: க‌ன‌வுக‌ளில் இருந்து க‌ள‌வாடிய‌வை..

Sunday, November 18, 2007

க‌ன‌வுக‌ளில் இருந்து க‌ள‌வாடிய‌வை..

எப்படி எழுதுகிறேன்
என்கிறாய்

நானெங்கே எழுதுகிறேன்??

இவையெல்லாம்
உன்னோடு
நான் பேசிய‌
கனவுகளில் இருந்து
களவாடியவை தானே....
*********************************************************

மூன்று நாட்க‌ளுக்கு
தேங்காய் உடைத்துவிட்டு

முடிந்த‌ பிற‌கு
தெருவிலே உடைப்ப‌த‌ற்கு

விநாய‌க‌ர் பொம்மை அல்ல‌
என் ம‌ன‌சு....

******************************************************
உன‌து கிராம‌த்து பெட்டிக் க‌டைக‌ளில்
அதிக‌ம் விற்ப‌னையாவ‌து
சோடா பாட்டில்க‌ள் தான்..

நீ
ந‌ட‌ந்து வ‌ந்த‌ பாதைக‌ளில்
ம‌ய‌ங்கி விழுந்த இத‌ய‌ங்க‌ள் மீது

உடைத்து
தெளித்து
எழுப்பி
உட்கார‌வைக்க‌.....

**********************************************

ஓ ம‌ருத்துவ‌ர்க‌ளே
இத‌ய‌நோயாளிக‌ளை எல்லாம்
காத‌லிக்க‌ச் சொல்லுங்க‌ள்....

இத‌ய‌மே இல்லாம‌ல்
வாழப் ப‌ழ‌க‌
அது ஒன்றே தான் வ‌ழி....

***********************************************
ம‌து
எல்லாவ‌ற்றையும்
ம‌ற‌க்க‌ச் செய்கிற‌து....

காத‌லோ
உன்னைத் த‌விர‌
எல்லாவ‌ற்றையும்
ம‌ற‌க்க‌ச் செய்கிற‌து.....

இது கொஞ்ச‌ம்
விநோத‌மான‌ போதை.....

************************************************

No comments:

Post a Comment

கவிதா நதியின் தோணித்துறையில்...

இந்த வலைப்பதிவின் ஆக்கத்திலும், ஒவ்வொரு பதிவின் பக்கத்திலும் நின்று ஊக்கமளித்த அத்தனை இதயங்களுக்கும் நன்றிகளோடு தொடங்குகிறேன்....

இந்த மண்ணில் விதையாய் விழுந்து, முளையாய் எழுந்து, தமிழ் மேகத்தின் ஆசிகளில் நனைந்து, புழுதியை பூசிக்கொண்டு வளர்ந்து,கிளைத்து, தழைத்து, தொழில்நிமித்தமாய் கிளைகளையும், கனிகளையும் மட்டும் அயல் மண்ணில் நீட்டுகிற நேரத்திலும், விதை விழுந்த இடத்திலேயே மண்ணைவிட்டு அகலாது நிற்கும் என் வேர்களின் முனகல்களே இந்த வலைப்பதிவுகள்..

என் கவிதையின் ஊற்றுக்கண் திறக்க என்னை கவிதை நதிநோக்கி ஆற்றுப்படுத்திய ஜீவன்களை நன்றியோடு நினைத்து நினைத்து நெகிழ்கிறேன்...

நான் செடியாய் வளரும் பொழுதுகளில்... சிரித்தது, அழுதது, கோபித்தது, காதலித்தது என்று எல்லாமே என் மண்ணோடு தான்...

சொர்க்கத்தில் கொண்டுவிட்டாலும் மண்புழு மண்ணைத்தான் குடையும் என்பதைப் போல.. நானும் குடைந்திருக்கிறேன்.. கிடைத்தவற்றை எல்லாம் இங்கே அள்ளிவந்திருக்கிறேன்... இதில் காதல் எழுத கவிதையில் விற்பனை நோக்கில் கற்பனை செய்திருக்கிறேன்.. என் மண்ணின் நிகழ்வுகளை கட்டுரைகளாய் அசைபோட்டிருக்கிறேன்.. இந்த வடிவபேதங்கள் எல்லாம் புனைவிற்கான என் வசதி கருதியே செய்யப்பட்டவை...

இந்தப் பதிவுகளில் ஏதாவது ஒரு மூலையில் நீங்களும் இருக்கக்கூடும்... தேடித்தான் பாருங்களேன்.. உங்கள் இதயத்தில் அலைகிளப்ப முடிந்தால் நான் வலைவிரித்ததன் பயனை அடைந்த்தாய் எண்ணி ஆயிரம் முறை அகமகிழ்வேன்...

நட்புடன்,
ஏகலைவன்...