கோகுலத்தில் ஒரு ஏகலைவன்: நிலாவோடு வாழ்பவன்

Saturday, December 1, 2007

நிலாவோடு வாழ்பவன்

ஒரு மெய்
இரண்டு உயிர்கள்
ஏராளமான ஆயுதங்கள் கொண்ட‌
அதிசய தமிழ்
நீ

*****************************************************

குத்துகின்ற முட்களை
குற்றம் சொல்லாதே...

உன்னை முத்தமிட
‌இந்த உலகில்
யாருக்கு தான் ஆசையில்லை...

*****************************************************
நிலாவில் வாழமுடியுமா
என்று தெரியவில்லை...

ஆனால்

நிலாவோடு வாழமுடியும்
என்று தெரிந்துகொண்டேன்
உன்னைப் பார்த்து...

****************************************************

பக்கம் பக்கமாய்
கவிதை எழுதுகின்றன
கைகள்....

ஒற்றை வார்த்தையை மட்டும்
ஓயாமல் உச்ச‌ரிக்கின்ற‌து
ம‌ன‌சு.....

"நீ".....
***************************************************

வெட்க‌மே உன‌க்கு
முக‌மூடி தானே...

பிற‌கு ஏன்
வெட்க‌ப்ப‌ட்டு
கைக‌ளால் வேறு மூடுகிறாய்...

***************************************************
வ‌ண்ணத்துப் பூச்சி
ம‌க‌ர‌ந்த‌ங்க‌ளை சேக‌ரிக்கும்...

ஆனால்
புன்ன‌கை ம‌க‌ர‌ந்த‌ங்க‌ளையே
உற்ப‌த்தி செய்யும்
அதிச‌ய‌ வ‌ண்ண‌த்துப்பூச்சி
நீ

****************************************************

1 comment:

Rakesh Nath said...: Fantaaaaaaaasticc.......
Aana.. thambee yaar antha ponnu... Yaaro maattikiruche..!!!!!!!....

Something is happening around.. I am sure..

Sollunga.... Yar antha ponnu..????; December 4, 2007 at 8:42 AM

Post a Comment

கவிதா நதியின் தோணித்துறையில்...

இந்த வலைப்பதிவின் ஆக்கத்திலும், ஒவ்வொரு பதிவின் பக்கத்திலும் நின்று ஊக்கமளித்த அத்தனை இதயங்களுக்கும் நன்றிகளோடு தொடங்குகிறேன்....

இந்த மண்ணில் விதையாய் விழுந்து, முளையாய் எழுந்து, தமிழ் மேகத்தின் ஆசிகளில் நனைந்து, புழுதியை பூசிக்கொண்டு வளர்ந்து,கிளைத்து, தழைத்து, தொழில்நிமித்தமாய் கிளைகளையும், கனிகளையும் மட்டும் அயல் மண்ணில் நீட்டுகிற நேரத்திலும், விதை விழுந்த இடத்திலேயே மண்ணைவிட்டு அகலாது நிற்கும் என் வேர்களின் முனகல்களே இந்த வலைப்பதிவுகள்..

என் கவிதையின் ஊற்றுக்கண் திறக்க என்னை கவிதை நதிநோக்கி ஆற்றுப்படுத்திய ஜீவன்களை நன்றியோடு நினைத்து நினைத்து நெகிழ்கிறேன்...

நான் செடியாய் வளரும் பொழுதுகளில்... சிரித்தது, அழுதது, கோபித்தது, காதலித்தது என்று எல்லாமே என் மண்ணோடு தான்...

சொர்க்கத்தில் கொண்டுவிட்டாலும் மண்புழு மண்ணைத்தான் குடையும் என்பதைப் போல.. நானும் குடைந்திருக்கிறேன்.. கிடைத்தவற்றை எல்லாம் இங்கே அள்ளிவந்திருக்கிறேன்... இதில் காதல் எழுத கவிதையில் விற்பனை நோக்கில் கற்பனை செய்திருக்கிறேன்.. என் மண்ணின் நிகழ்வுகளை கட்டுரைகளாய் அசைபோட்டிருக்கிறேன்.. இந்த வடிவபேதங்கள் எல்லாம் புனைவிற்கான என் வசதி கருதியே செய்யப்பட்டவை...

இந்தப் பதிவுகளில் ஏதாவது ஒரு மூலையில் நீங்களும் இருக்கக்கூடும்... தேடித்தான் பாருங்களேன்.. உங்கள் இதயத்தில் அலைகிளப்ப முடிந்தால் நான் வலைவிரித்ததன் பயனை அடைந்த்தாய் எண்ணி ஆயிரம் முறை அகமகிழ்வேன்...

நட்புடன்,
ஏகலைவன்...