கோகுலத்தில் ஒரு ஏகலைவன்: கண்ணெழுத்துக்களின் பிம்பம்

Wednesday, December 19, 2007

கண்ணெழுத்துக்களின் பிம்பம்

***********************
என் இதயத்தில்
நீ போட்ட‌
கண்ணெழுத்துக்களின்
பிம்பத்தைத் தான்
கவிதை என்கிறது
இந்த உலகம்....

*************************

ஒவ்வொரு முறையும்
என் உறக்கத்தில் மட்டும்
வந்து போகிறாயே.....

காதல் கண்மூடித்தனமானது
என்பது இது தானா??

**************************

தண்டவாளக் கம்பிகள்
நாம்....

நம் ஒவ்வொரு இணைவும்
பிரிவுக்காக....

நம் ஒவ்வொரு பிரிவும்
இணைவிற்காகவே....

**************************

உன் பார்வையில் இருந்து
தப்ப முடியாமல்
சரணடைகிறேன்...

நீயே வந்து என்னை
கைது செய்து போ....

கையோடு கொண்டு வ‌ந்திருக்கிறேன்
காத‌ல் வில‌ங்கு....

****************************

காத‌ல் தெய்வீக‌மான‌து....

ஆம்
அத‌னால் தான்
பாறாங்க‌ல்லில் கூட‌
க‌ட‌வுளைப் பார்க்க‌ முடிகிற‌து...

*****************************
நீ
ம‌ஞ்ச‌ள் தாவ‌ணி உடுத்தும்
நாட்க‌ளில் எல்லாம்
வெள்ளை ரோஜாக்க‌ளுக்கும்
ம‌ஞ்ச‌ள் காமாலை தான்....

****************************

இருட்டைத் தொலைத்த‌
ஒவ்வொரு விள‌க்கும் சொன்ன‌து
நீ முத்த‌மிட்ட‌ க‌தையை....

இற‌க்கை தொலைத்த‌
ஒவ்வொரு விட்டிலும் சொன்ன‌து
உன்னை முத்த‌‌மிட்ட‌ க‌தையை....

****************************

உன் ம‌ன‌தில் நான்
இல்லை என்ப‌த‌ற்காக‌
நீ அனுப்பிய‌
வெற்றுக் காகித‌த்தைக்கூட‌....

உன் ம‌ன‌சு
வெள்ளை என்றே புரிந்துகொள்கிற‌து
உன் மேலான‌
என் காத‌ல்......

*********************************
உன் கூந்த‌லில் இருந்து
உதிரும் வ‌ரையிலான‌
கால‌த்தை....

கோலாக‌ல‌மாக‌ கொண்டாடுகின்ற‌ன‌
பூக்கள்...
'விழாக்'கால‌ம் என்று...

************************************

2 comments:

Prakash said...: ennudaya Rating.
1.kaadhal kaNmuudithanam
2.veLLai kaagitham
3.kaadhal vilangu.

ungal kaadhal kavithaigal..periya aLavil kandippaaga pesappadum.
en vaazhthukkuL.; December 19, 2007 at 10:08 PM
Sankar said...: Krishnan,

Unnududiya manathil onnurm illai enpthai....lines really gud.

While reading your collection, all are not written in IMGINATION, seems to be very practically.

Great...Keep ahead.

Rgs. Shankar; January 7, 2008 at 6:40 AM

Post a Comment

கவிதா நதியின் தோணித்துறையில்...

இந்த வலைப்பதிவின் ஆக்கத்திலும், ஒவ்வொரு பதிவின் பக்கத்திலும் நின்று ஊக்கமளித்த அத்தனை இதயங்களுக்கும் நன்றிகளோடு தொடங்குகிறேன்....

இந்த மண்ணில் விதையாய் விழுந்து, முளையாய் எழுந்து, தமிழ் மேகத்தின் ஆசிகளில் நனைந்து, புழுதியை பூசிக்கொண்டு வளர்ந்து,கிளைத்து, தழைத்து, தொழில்நிமித்தமாய் கிளைகளையும், கனிகளையும் மட்டும் அயல் மண்ணில் நீட்டுகிற நேரத்திலும், விதை விழுந்த இடத்திலேயே மண்ணைவிட்டு அகலாது நிற்கும் என் வேர்களின் முனகல்களே இந்த வலைப்பதிவுகள்..

என் கவிதையின் ஊற்றுக்கண் திறக்க என்னை கவிதை நதிநோக்கி ஆற்றுப்படுத்திய ஜீவன்களை நன்றியோடு நினைத்து நினைத்து நெகிழ்கிறேன்...

நான் செடியாய் வளரும் பொழுதுகளில்... சிரித்தது, அழுதது, கோபித்தது, காதலித்தது என்று எல்லாமே என் மண்ணோடு தான்...

சொர்க்கத்தில் கொண்டுவிட்டாலும் மண்புழு மண்ணைத்தான் குடையும் என்பதைப் போல.. நானும் குடைந்திருக்கிறேன்.. கிடைத்தவற்றை எல்லாம் இங்கே அள்ளிவந்திருக்கிறேன்... இதில் காதல் எழுத கவிதையில் விற்பனை நோக்கில் கற்பனை செய்திருக்கிறேன்.. என் மண்ணின் நிகழ்வுகளை கட்டுரைகளாய் அசைபோட்டிருக்கிறேன்.. இந்த வடிவபேதங்கள் எல்லாம் புனைவிற்கான என் வசதி கருதியே செய்யப்பட்டவை...

இந்தப் பதிவுகளில் ஏதாவது ஒரு மூலையில் நீங்களும் இருக்கக்கூடும்... தேடித்தான் பாருங்களேன்.. உங்கள் இதயத்தில் அலைகிளப்ப முடிந்தால் நான் வலைவிரித்ததன் பயனை அடைந்த்தாய் எண்ணி ஆயிரம் முறை அகமகிழ்வேன்...

நட்புடன்,
ஏகலைவன்...