கோகுலத்தில் ஒரு ஏகலைவன்: எது சொன்னால் விழுவேன்...

Friday, January 4, 2008

எது சொன்னால் விழுவேன்...

நீ "சரி" என்று சொல்
நான் சரிந்து விழுவேன்....

நீ "தவறு" என்று சொல்
நான் தவறி விழுவேன்...

நான்
"எது சொன்னாலும் விழுவாயா??"
என்கிறாய்...

நீ எதுவும் சொல்லாமலேயே
விழுந்துவிட்டேனே
உன் மேல் காதலில்....

**********************************

நேற்று என் கனவில்
நீ மழையில்
நனையக் கண்டதும்...

ஓடோடிச்சென்று
குடை பிடித்திருக்கிறேன்...

என் வீட்டு
ரோஜாச்செடிக்கு.....

**********************************

இர‌வில்
கொசுவலை க‌ட்டிக் கொண்டு
உற‌ங்கு என்றாள் அம்மா....

நானோ
உன் நினைவுக‌ளையும்
த‌லைய‌ணையையும்
க‌ட்டிக் கொண்டு உற‌ங்குகிறேன்...

************************************

உல‌க‌ உருண்டை
இன்ன‌து என்று
தெரிந்துகொண்டேன்...

உன‌க்கே தெரியாம‌ல்
உன் ஜாமெட்ரி பாக்ஸிலிருந்து
நான் திருடிய‌
நெல்லிக்காயில்....

********************************

"எதாவ‌து பேசுங்க" என்று
நீ சொன்ன‌தும்

என்ன‌ கேட்ப‌து என்று தெரியாம‌ல்
வ‌ழிகேட்டிருக்கிறேன்..

நான் கையிலேயே
வைத்திருந்த‌
என் வீட்டு முக‌வ‌ரிக்கு.....

********************************

க‌ண்ணாடி முன் சோம்ப‌ல் முறிக்காதே....

உன் அழ‌கில் ம‌ய‌ங்கி
நிலைக்கண்ணாடி கூட‌
நிலை குலைந்த‌ க‌ண்ணாடி
ஆகி விடுகிற‌து.....

********************************

உன்னைப் பார்த்த‌தும்
விள‌ங்கிக் கொண்டேன்..

நேரான‌ உன் தெருமுனையில்
இருக்கும்
"எச்ச‌ரிக்கை அபாய‌ வ‌ளைவுக‌ள்"
என்ற‌ ப‌ல‌கையின் கார‌ண‌த்தை....

*******************************

உடைப‌டுவோம் என்று
தெரிந்தே காத்திருக்கும்
பிளாஸ்டிக் பை நான்....

நீயே வ‌ந்து
ந‌ன்றாக‌ ஊதி
உடைத்துவிட்டுச் செல்....

********************************

இர‌வில் கொசுத்தொல்லை
அதிக‌மா என்றார்க‌ள் என்னிட‌ம்...

இல்லை தேனீக்க‌ள் தொல்லை
என்றேன்...

நீ என்
க‌ன‌வில் வ‌ருவ‌து கூட‌
தேனீக்களுக்கு தெரிந்துவிடுகிற‌து.....

***********************************

2 comments:

Prakash said...: Krishnan,
puthaandhu vaazhththukkal..
ungalidam pidithathu "virasam illaa vaarthaigaL"..

"en vazhi thani vazhi" maathiri ungakukku endru oru thani baaNiyai pinpatruvathu piditha vishayam.

ungal kavaithaigaLai padikkum thaRunam enakku thoonuvathu.. neengal "kaadhalai" kaadhalikkareergalaa allathu "thamizhai" kaadhalikkareergalaa endru ???

kaadhalum-tamizhum ungaludaa rendu kaNkaLaai irukkaa vaazhththukkaaL; January 6, 2008 at 8:16 PM
Sankar said...: Krishnan,

This is shankar from Chennai. Saw ur Kavithagal in Blogger. Very Gud.

I don't know how express my comments...From "Edu sonnal vizhven" is simply and very thoughful kavithai.

Expecting more like this in upcoming future.

wish you all the best.

Regards, Shankar - Chennai.; January 7, 2008 at 6:33 AM

Post a Comment

கவிதா நதியின் தோணித்துறையில்...

இந்த வலைப்பதிவின் ஆக்கத்திலும், ஒவ்வொரு பதிவின் பக்கத்திலும் நின்று ஊக்கமளித்த அத்தனை இதயங்களுக்கும் நன்றிகளோடு தொடங்குகிறேன்....

இந்த மண்ணில் விதையாய் விழுந்து, முளையாய் எழுந்து, தமிழ் மேகத்தின் ஆசிகளில் நனைந்து, புழுதியை பூசிக்கொண்டு வளர்ந்து,கிளைத்து, தழைத்து, தொழில்நிமித்தமாய் கிளைகளையும், கனிகளையும் மட்டும் அயல் மண்ணில் நீட்டுகிற நேரத்திலும், விதை விழுந்த இடத்திலேயே மண்ணைவிட்டு அகலாது நிற்கும் என் வேர்களின் முனகல்களே இந்த வலைப்பதிவுகள்..

என் கவிதையின் ஊற்றுக்கண் திறக்க என்னை கவிதை நதிநோக்கி ஆற்றுப்படுத்திய ஜீவன்களை நன்றியோடு நினைத்து நினைத்து நெகிழ்கிறேன்...

நான் செடியாய் வளரும் பொழுதுகளில்... சிரித்தது, அழுதது, கோபித்தது, காதலித்தது என்று எல்லாமே என் மண்ணோடு தான்...

சொர்க்கத்தில் கொண்டுவிட்டாலும் மண்புழு மண்ணைத்தான் குடையும் என்பதைப் போல.. நானும் குடைந்திருக்கிறேன்.. கிடைத்தவற்றை எல்லாம் இங்கே அள்ளிவந்திருக்கிறேன்... இதில் காதல் எழுத கவிதையில் விற்பனை நோக்கில் கற்பனை செய்திருக்கிறேன்.. என் மண்ணின் நிகழ்வுகளை கட்டுரைகளாய் அசைபோட்டிருக்கிறேன்.. இந்த வடிவபேதங்கள் எல்லாம் புனைவிற்கான என் வசதி கருதியே செய்யப்பட்டவை...

இந்தப் பதிவுகளில் ஏதாவது ஒரு மூலையில் நீங்களும் இருக்கக்கூடும்... தேடித்தான் பாருங்களேன்.. உங்கள் இதயத்தில் அலைகிளப்ப முடிந்தால் நான் வலைவிரித்ததன் பயனை அடைந்த்தாய் எண்ணி ஆயிரம் முறை அகமகிழ்வேன்...

நட்புடன்,
ஏகலைவன்...