கோகுலத்தில் ஒரு ஏகலைவன்: மௌனத்தின் பட்டிமன்றம்

Saturday, February 2, 2008

மௌனத்தின் பட்டிமன்றம்

நீ என்னைத்
தள்ளிவிட்ட இடத்தில்
என்னைத் தாங்கிப் பிடித்துகொண்ட‌து
காத‌ல்...

*********************************

ந‌ம் இருவ‌ருக்கும்
இடையில் வ‌ர‌
யாருக்கும் துணிவில்லை

காத‌லைத் த‌விர‌....

*******************************

ஆப்பிள் ம‌ர‌ம்
அப்ப‌டியே தான் இருக்கிற‌து...

நியூட்ட‌ன்க‌ள் தான்
விழுந்து கொண்டிருக்கிறார்க‌ள்
காத‌லில்....

******************************

இத‌ய‌த்தில் த‌ரைத‌ட்டி நிற்கிற‌து

நேற்று பெய்த‌ ம‌ழையில்
நீ மித‌க்க‌விட்டு ம‌கிழ்ந்த‌
க‌த்திக்க‌ப்ப‌ல்.....

************************

நாம் இருவ‌ருமே
ச‌த்த‌மாக‌ பேசிக்கொண்டிருக்கிறோம்...

யார் முத‌லில் பேசுவ‌து
என்ற‌
மௌன‌த்தின் ப‌ட்டிம‌ன்ற‌த்தில்....

******************************

நீ ஆசையாய் வ‌ளர்க்கும்
பூச்செடிக‌ள் பூத்திருக்கின்ற‌ன‌...

என் காத‌லுக்கா?
என் காதுக‌ளுக்கா?

*****************************

பூக்கோல‌த்துக்கு ந‌டுவே
புள்ளிக‌ள்..

ம‌ச்ச‌ம்...

******************************

கோயில் யானை
உன்னை ஆசீர்வ‌தித்த‌து...

உன் க‌ன்ன‌த்தில் துதிக்கையை வைத்து...

*******************************

ப‌ட்டாம் பூச்சி பிடிக்க‌த் திரிந்த‌வ‌ன்
நான்...

ப‌ட்டாம் பூச்சியாக்கி திரிய‌விட்டிருக்கிறாய்
நீ....

******************************

தூண்டில்கார‌ர்க‌ளை பிடிப்ப‌த‌ற்காக‌வே
வ‌ள‌ர்ந்திருக்கின்ற‌ன‌

உன் விழி மீன்க‌ள்....

****************************

பார்த்துப் போ...

தேர் வ‌ருகிற‌து என்று தெரிந்து
வ‌ழியில்
முண்டிய‌டிக்கின்ற‌ன‌
முல்லைக் கொடிக‌ள்....

**************************

2 comments:

Unknown said...: ஆப்பிள் ம‌ர‌ம்
அப்ப‌டியே தான் இருக்கிற‌து...

நியூட்ட‌ன்க‌ள் தான்
விழுந்து கொண்டிருக்கிறார்க‌ள்
காத‌லில்....

"நன்று நல்ல முயற்சி "

பார்த்துப் போ...

தேர் வ‌ருகிற‌து என்று தெரிந்து
வ‌ழியில்
முண்டிய‌டிக்கின்ற‌ன‌
முல்லைக் கொடிக‌ள்....

நன்று அருமை "பாரி எங்கே "; March 3, 2008 at 2:09 PM
Unknown said...: ந‌ம் இருவ‌ருக்கும்
இடையில் வ‌ர‌
யாருக்கும் துணிவில்லை

காத‌லைத் த‌விர‌....

"Very nice....But u forgot onething,Ur Dad also will come between u people...(Just for fun)"; July 28, 2008 at 11:43 PM

Post a Comment

கவிதா நதியின் தோணித்துறையில்...

இந்த வலைப்பதிவின் ஆக்கத்திலும், ஒவ்வொரு பதிவின் பக்கத்திலும் நின்று ஊக்கமளித்த அத்தனை இதயங்களுக்கும் நன்றிகளோடு தொடங்குகிறேன்....

இந்த மண்ணில் விதையாய் விழுந்து, முளையாய் எழுந்து, தமிழ் மேகத்தின் ஆசிகளில் நனைந்து, புழுதியை பூசிக்கொண்டு வளர்ந்து,கிளைத்து, தழைத்து, தொழில்நிமித்தமாய் கிளைகளையும், கனிகளையும் மட்டும் அயல் மண்ணில் நீட்டுகிற நேரத்திலும், விதை விழுந்த இடத்திலேயே மண்ணைவிட்டு அகலாது நிற்கும் என் வேர்களின் முனகல்களே இந்த வலைப்பதிவுகள்..

என் கவிதையின் ஊற்றுக்கண் திறக்க என்னை கவிதை நதிநோக்கி ஆற்றுப்படுத்திய ஜீவன்களை நன்றியோடு நினைத்து நினைத்து நெகிழ்கிறேன்...

நான் செடியாய் வளரும் பொழுதுகளில்... சிரித்தது, அழுதது, கோபித்தது, காதலித்தது என்று எல்லாமே என் மண்ணோடு தான்...

சொர்க்கத்தில் கொண்டுவிட்டாலும் மண்புழு மண்ணைத்தான் குடையும் என்பதைப் போல.. நானும் குடைந்திருக்கிறேன்.. கிடைத்தவற்றை எல்லாம் இங்கே அள்ளிவந்திருக்கிறேன்... இதில் காதல் எழுத கவிதையில் விற்பனை நோக்கில் கற்பனை செய்திருக்கிறேன்.. என் மண்ணின் நிகழ்வுகளை கட்டுரைகளாய் அசைபோட்டிருக்கிறேன்.. இந்த வடிவபேதங்கள் எல்லாம் புனைவிற்கான என் வசதி கருதியே செய்யப்பட்டவை...

இந்தப் பதிவுகளில் ஏதாவது ஒரு மூலையில் நீங்களும் இருக்கக்கூடும்... தேடித்தான் பாருங்களேன்.. உங்கள் இதயத்தில் அலைகிளப்ப முடிந்தால் நான் வலைவிரித்ததன் பயனை அடைந்த்தாய் எண்ணி ஆயிரம் முறை அகமகிழ்வேன்...

நட்புடன்,
ஏகலைவன்...